काठमाडौँ– पूर्वप्रधानमन्त्री एवं समाजवादी पार्टीका संघीय परिषद् अध्यक्ष डाक्टर बाबुराम भट्टराईले संवैधानिक परिषदलाई ‘ओली परिषद’को संज्ञा दिएका छन् ।

प्रधानमन्त्री ओलीले संवैधानिक आयोगसम्बन्धी अध्यादेश ल्याएर निम्छरा संवैधानिक आयोगलाई ओली परिषदमार्फत पूर्णता दिन लागेको उनले आरोप लगाएका हुन् ।

भट्टराईले ट्विट गर्दै भनेका छन्, ‘त्यसै त निम्छरा संवैधानिक आयोग, अब अध्यादेशमार्फत बनेको तीनजनाको ओली परिषदले ओलीका खल्तीबाट निस्केका नाम राखेर भरेपछि कस्तो बन्लान् ? त्यत्रो बलिदानमार्फत स्थापित गणतन्त्रको चीरहरण गरेर प्रतिगमनको आधार तयार गरिनै लागेको हो त ?’

अर्को विनाशकारी अध्यादेशअघि नै संसद अधिवेशन बोलाउनुपर्ने भट्टराईले माग गरेका छन् ।

यस्तो छ उनको ट्वीट

त्यसै त निम्छरा संवैधानिक आयोग,अब अध्यादेश मार्फत बनेको तीनजनाको ओली परिषद्ले ओलीका खल्तीबाट निस्केका नाम राखेर भरेपछि कस्तो बन्लान्? त्यत्रो वलिदान मार्फत स्थापित गणतन्त्रको चीरहरण गरेर प्रतिगमनको आधार तयार गरिनै लागेको हो त?अर्को विनाशकारी अध्यादेश अघि नै संसद अधिवेशन बोलाऊॅ!।

— Baburam Bhattarai (@brb1954) December 15, 2020