मेक्सिको– मेक्सिकोको पूर्वी राज्य भेराक्रुजमा एक भोजमा अज्ञात बन्दुकधारीले गोली चलाउँदा एक बालकसहित १३ जनाको मृत्यु भएको छ ।
स्थानीय प्रहरीका अनुसार पारिवारिक पुनर्मिलनकार्यक्रमको भोज चलिरहेको समयमा मेलाटिटान शहरमा रहेको एक बारका सञ्चालकलाई खोज्दै आएका बन्दुकधारीको समूहले जथाभावी गोली चलाएका थिए ।
गोली लागेर मारिनेमा पाँच महिला र एक बालक समेत रहेको प्रहरीले जनाएको छ । घटनामा चार जना घाइते भएका छन् ।
पछिल्लो समय भेराक्रुज राज्यमा लागूपदार्थ तस्करी गर्ने संगठित अपराधिक समूहबीच बेलाबेला हिंसात्मक घटना हुने गरेका छन् ।
यद्यपि पछिल्लो आक्रमणमा कुन समूहको हात छ भन्ने स्पष्ट भइनसकेको अन्तर्राष्टिय सञ्चारमाध्यमले जनाएका छन् ।
प्रतिक्रिया