बाँके– पाँच नम्बर प्रदेशमा आठौं राष्ट्रिय खेलकुद जारी छ । खेलकुदका कार्यक्रम जारी रहेका बेला बाँकेको नेपालगञ्जमा आउँदो आइतबार हुने भनिएको पौडी खेल हुने सम्भावना न्यून  बन्दै गएको छ ।

खेल हुन एक दिनको समय बाँकी रहँदा पौडी खेलाइने पोखरीमा पानी भरिएको छैन । पानी नपुग्ने अवस्था देखिएपछि खेल सार्ने तयारी भइरहेको बुझिएको छ ।

पौडी खेल सञ्चालन गर्नका लागि १६ लाख लिटर पानी आवश्यक पर्छ । कम्तीमा ३ फिट बोरिङ प्रयोग गरेर रातभरि पानी हालेपनि ४ लाख लिटर मात्रै पानी आउने बताइन्छ । अन्य विकल्पका रुपमा पनि ट्यांकरबाट पानी हान्ने भनिए पनि त्यसबाट पनि अझै अपुग हुने बताइन्छ ।

राखेप स्रोतका अनुसार रातभरीको पानीको चाप र पोखरीमा भरिएको पानीको अवस्थालाई हेरेर खेल तोकिएकै समयमा गराउने वा केही दिन सार्ने भन्ने निर्णय लिइने छ ।