मुम्बई – सोनम कपूर आहुजा र आनन्द आहुजा आफ्नो बिहेपछिको जीवनलाई खुशीसाथ मनाइरहेका छन् । दुवैका बीचमा जबरजस्त ‘बोन्डिङ’ छ । यी दुईको रोमान्टिक तस्वीर सामाजिक सञ्जालमा छाइरहने गर्छ ।

यतिबेला भने यो कपलको एउटा तस्वीर भाइरल भइरहेको छ । जुन तस्वीरमा पति आनन्दले सोनमको जुत्ताको फित्ता बाँधिरहेको देख्न सकिन्छ ।

सोनम–आनन्दको यो फोटो कुनै स्टोर लञ्चको बेलाको हो । स्टोरमा आनन्दले सोनमको जुत्ताको फित्ता बाँधिदिन्छन् । आनन्दको यो कामको सामाजिक सञ्जालमा खुबै तारिफ भइरहेको छ ।

स्टोर लञ्चका लागि सोनम पहेंलो ड्रेसमा सुन्दर देखिएकी छिन् । आनन्द पनि कूल देखिएका छन् । आनन्द र सोनमको बिहे सन् २०१८ मा भएको थियो । बलिउडका चर्चित जोडीमध्ये एक जोडीमा सोनम र आनन्दलाई लिने गरिन्छ ।

यी दुईको बिहेमा टिभी र बलिउडका दिग्गज सेलिब्रेटी आएका थिए । यसअघि सोनम ‘एक लड्कीको देखा तो ऐसा लगा’ मा देखिएकी थिइन् । यो फिल्ममा सोनमले पहिलोपटक आफ्नो बुबासँग स्किृन शेयर गरेकी थिइन् ।