काठमाडौं– वैदेशिक रोजगारको लागि पोर्चुगल पठाइदिन्छु भन्दै दुई जनासँग १६ लाख ठगेको आरोपमा प्रहरीले एक जनालाई पक्राउ गरेको छ ।

रुपन्देही ओमसतिया गाउँपालिका–६ स्थायी ठेगाना भएका हाल सोह्रखुट्टे बस्ने ३३ वर्षीय शिव नारायण चौधरीलाई महानगरीय अपराध महाशाखाको टोलीले ठगीको आरोपमा सुन्धाराबाट पक्राउ गरेको हो ।

चौधरीले रुपन्देही २ जना लाई वैदेशिक रोजगारको लागि पोर्चुगल पठाईदिन्छु भन्ने प्रलोभन १६ लाख २५ हजार दुई सय ५० रुपियाँ आफ्नो बैंक खातामा जम्मा गर्न लगाएको अनुसन्धानबाट खुलेको प्रहरीले जनाएको छ ।

चौधरीले उनहरुको राहदानी समेत लिई अफर लेटर, भिषा लगायतका कागजातहरु नक्कली बनाइ ठगी गरेको खुलेको प्रहरीले अनुसन्धानबाट खुलेको छ ।

उनी विरुद्ध ठगी सम्बन्धी कसूरमा आवश्यक कारबाहीको लागि सोमबार परिसर काठमाडौं पठाइएको महाशाखाले जनाएको छ ।