एजेन्सी- इंग्लिस प्रिमियर लिग फुटबलमा न्युकासल युनाइटेड विजयी भएको छ ।
शुक्रबार राति भएको खेलमा न्युकासलले क्रिस्टल प्यालेसलाई २-० गोलले पराजित गरेको हो ।
क्रिस्टलको मैदानमा न्युकासललाई जित दिलाउन कलुम विल्सन र जोलिनटनले एक/एक गोल गरे ।
पहिलो हाफ गोलरहित बराबरीमा सकिएको खेलको अन्तिम तीन मिनेट भित्र दुई गोल गर्दै न्युकासलले जित निकालेको हो ।
खेलको ८८औँ मिनेटमा विल्सनले गोल गर्दै क्रिस्टललाई अग्रता दिलाएका थिए ।
खेलको ९०औँ मिनेटमा जोलिनटनले गोल गर्दै न्युकासललाई २-० को जित दिलाए । उनको यो पहिलो प्रिमियर लिग गोल हो ।
जितसँगै न्युकासलले १० खेलमा १४ अंक जोड्दै १०औँ स्थानमा उक्लिएको छ । क्रिस्टल १३ अंकका साथ १३औँ स्थानमा छ ।
प्रतिक्रिया