काठमाडौँ– स्वास्थ्य तथा जनसंख्या मन्त्रालयले कोरोनाभाइरस संक्रमितको उपचारमा खटिएका स्वास्थ्यकर्मी र कर्मचारीलाई जोखिम भत्ता उपलब्ध गराउन सम्बन्धित अस्पताल र निकायलाई निर्देशन दिएको छ।

शुक्रबार मन्त्रालयका सहप्रवक्ता समिरकुमार अधिकारीले विज्ञप्ति जारी गर्दै कोरोना महामारीमा खटिने सबै स्वास्थ्यकर्मी तथा कर्मचारीलाई जोखिम भत्ता यथाशीघ्र उपलब्ध गराउन आग्रह गरेका हुन्।

शुक्रबार नै बसेको नेपाल सरकार सचिवस्तरको निर्णयअनुसार जोखिम भत्ता तत्काल उपलब्ध गराउन निर्देशन दिइएको विज्ञप्तिमा भनिएको छ ।

मन्त्रालयले असोज मसान्त सम्मको जोखिम भत्तासमेत समावेश गरी ६६ करोड ८७ लाख ४५ हजार रूपैयाँ रकम निकासा भइसकेको स्पष्ट पारेको छ ।

यस्तो छ मन्त्रालयद्वारा जारी विज्ञप्ति