काठमाडौं- हास्यकलाकार तथा अभियन्ता सीताराम कट्टेल ‘धुर्मुस’ ले बारा र पर्सामा ‘टोर्नाडो’ ले प्रभावित क्षेत्रमा पुगेर राहत तथा सहयोग हस्तान्तरण गरेका छन् ।

धुर्मुस सुन्तली फाउन्डेसनमा उठेको ९ लाख ४४ हजार १ सय १८ रुपैयाँ बराबरको शैक्षिक साम्रगी बारा र पर्साका करीब ८ सय बालबालिकाहरुका लागि वितरण गरिएको सीताराम कट्टेलले जानकारी दिए ।

‘शैक्षिक साम्रगीका साथसाथै केही लत्ताकपडा पनि वितरण गरेका छौँ, यो अभियानमा सहयोग गर्नुहुने सम्पूर्ण सहयोगी मनहरुलाई हार्दिक धन्यवाद एवम् आभार व्यक्त गर्न चाहन्छौँ,’ सीतारामले भने, ‘गत शनिवार सम्पन्न भएको मातृभूमि कपको पूर्ण विवरण आउन बाँकी रहेको हुनाले हामीले घोषणा गरेको सहयोग पनि यही अभियानका लागि खर्चिने छौँ ।’

चैतको अन्तिम साता बारा र पर्सामा आएको हावाहुरीले २७ जनाको ज्यान लिएको थियो ।

तस्वीर – धुर्मुस सुन्तली फाउन्डेसनको फेसबूकबाट