झापा– संस्कृति, पर्यटन तथा नागरिक उड्डयन मन्त्री योगेश भट्टराईले नेपाल कम्युनिस्ट पार्टी (नेकपा)लाई कुनै पनि विदेशी शक्तिले जोगाउन र फुटाउन नसक्ने बताएका छन् ।

मन्त्री भट्टराईले नेकपालाई चीनले पनि जोगाउन नसक्ने र भारतले पनि फुटाउन नसक्ने बताउँदै यसमा सबै नेकपाकै नेता तथा कार्यकर्ताकै भूमिका महत्वपूर्ण रहने बताएका हुन् ।

प्रेस संगठन नेपाल झापा शाखाको सपथ ग्रहण समारोहमा सहभागी कार्यक्रममा ‘केन्द्रमा आगो बलिरहेको छ, तपाईंको हातमा पेट्रोल बोक्ने कि पानी ?’ भन्ने नेता तथा कार्यकर्ताहरुको प्रश्नमा उनले यस्तो प्रतिक्रिया दिएका हुन् ।

नेकपाभित्रको विवाद उत्कर्षमा पुगेको जिकिर गर्दै मन्त्री भट्टराईले सानोतिनो समस्याले पार्टी विभाजन नहुने र गर्न पनि नहुने बताए।