काठमाडौं- अमेरिकाले नेपाली सेनालाई बाढी, नदी तथा ताल–तलैयामा फसेकाहरुको उद्धारमा उपयोगी हुने १० थान अत्याधुनिक डुङ्गा सहयोग गरेको छ ।
अमेरिकाले ६ थान याफ्ट बोट र चारथान मिस्ट्रलबोट सहयाेग गरेकाे नेपाली सेनाले जनाएको छ ।
अमेरिकाका सैनिक सहचारी लेफ्टिनेन्ट मट सोभा र रक्षा समन्वय प्रमुख मेजर मिचेल पी ह्वाइटले ती बोटहरु नेपाली सेनाका महासेनानी राजेन्द्र मणि गिरीलाई हस्तानान्तरण गरेका हुन् ।
गौचरस्थित ब्यारेकमा ती सामाग्री नेपाली सेनालाई प्रदान गरिएको हो । नेपाली सेनाले यी सामाग्रीहरु बाढी तथा डुवान जस्ता जलउत्पन्न विपद्का समय उद्धार तथा राहत कार्यमा बहुउपयोगी हुने जनाएको छ ।
प्रतिक्रिया