काठमाडौँ- यो वर्षको मनसुन अब निस्क्रिय भएको जल तथा मौसम पूर्वानुमान महाशाखाले जनाएको छ ।
गएको जेठ ३० गते नेपाल प्रवेश गरेको मनसुन चार महिनापछि बाहिरिएको महाशाखाले जनाएको छ ।
असोज १५ गते नै सुदूरपश्चिम प्रदेश, कर्णाली प्रदेश र लुम्बिनी प्रदेशको पश्चिमका केही भू-भागबाट बाहिरिएको मनसुन पूर्णरूपमा नेपालभरबाट भने शुक्रबार बाहिरिएको हो ।
यो वर्ष पश्चिमी न्यूनचापीय प्रणालीको प्रभाव रहिरहेकाले मनसुन बाहिरिन ढिलो भएको मौसमविद्ले बताएका छन् । सामान्यतया जुन १० तारिखमा पूर्वी नेपालबाट प्रवेश गर्ने मनसुन सेप्टेम्बर २३ मा बाहिरिनुपर्ने हो ।
तर, केही दिन ढिला गरी नेपाल प्रवेश गरेको मनसुन निस्क्रिय हुन पनि समय लागेको मौसमविद्ले जनाएका छन् ।
प्रतिक्रिया