अष्ट्रेलियाको उत्तरपूर्वी क्षेत्रमा परेको वर्षाबाट २० हजार भन्दा धेरै मानिस प्रभावित भएको छ ।
उत्तरपूर्वी अष्ट्रलियाको क्विन्सल्याण्ड राज्यको टाउन्सभिल शहरआसपास वर्षा र वर्षासँगैको बाढीपहिरोले २० हजार भन्दा धेरै परिवार प्रभावित भएका छन् ।
बाढीले दर्जनौँ सवारी साधान तथा घर डुबाएको एएफपीले जनाएको छ । बाढीप्रभावित क्षेत्रबाट करिब ७ सयलाई उद्धार गरिएको छ । वर्षासँगैको बाढीले ११ हजार घरमा विद्युत सेवा अवरुद्ध छ ।
वर्षा नरोकिएसँगै अधिकारीले त्यस क्षेत्रमा बाढीको सतह ह्वात्तै बढ्नसक्ने चेतावनी जारी गर्दै त्यहाँका मानिसहरुलाई सुरक्षित हुन आह्वान गरेका छन् ।
टाउन्सभिल शहर आसपास आएको वर्षालाई एक शताब्दीमा एक पटक आउने वर्षाको संज्ञा दिइएको छ ।
प्रतिक्रिया