काठमाडौं– भक्तपुरको प्रसिद्ध विस्केट जात्रा अन्तर्गत शनिवार ठड्याइएको लिंगाको टुप्पामा सेल्फी लिने प्रतिस्पर्धा नै चल्यो । पहिले लिंगो ठड्याइएपछि डोरी चढ्ने प्रतिस्पर्धा चल्यो ।

जो कोही हत्तपत्ती लिंगोको टुप्पोमा पुग्न सक्दैन । तर शनिबार भक्तपुर नगरपालिकाका ५ यासिंखेलमा ५५ हात लामो लिंगो ठडिनासाथ एक युवा टुप्पोमा पुगे ।

उनीसँगै दर्जनौं युवा डोरी समातेर लिंगोको टुप्पातिर हानिएर तर अरुले हरेश खाए । टुप्पामा पुगेका युवाले लिंगोको टाउँको बनाएको हरिबेलका हरिया हाँगाबिंगा जात्रालुमतर्फ फाले । जात्रालुपनि भगवानको प्रसाद भन्दै ती हाँगाबिंगा लिन तँछाडमछाड गरिरहे ।

यत्तिकैमा पाइन्टको बकलीबाट मोबाइल निकालेर ती युवाले लिंगोको टुप्पो आउने गरि सेल्फी खिच्न थाले । उनले सेल्फी लिँदै गर्दा जात्रास्थलमा भेला भएकाले हाँसोको फोहरा छोडे । आजको अन्नपूर्णमा समाचार छ ।