काठमाडौँ- मुक्तिनाथ विकास बैंकको मुक्तिनाथ रेमिटले अस्ट्रेलियाबाट पनि सेवा सञ्चालन गरेको छ ।

अस्ट्रेलियामा रहेका नेपालीले अस्ट्रेलियामा रहेको ‘मुक्तिनाथ रेमिट अस्ट्रेलिया’को कार्यालय तथा मुक्तिनाथ रेमिट अस्ट्रेलियाको वेबसाइटमा लगइन गरी वा मोबाइल एप्सबाट नेपालमा रहेका कुनै पनि बैंकको खातामा रकम पठाउन सक्नेछन् ।

साथै, मुक्तिनाथ रेमिटमार्फत पठाएको पैसा नेपालमा रहेको मुक्तिनाथ रेमिटका ४ हजारभन्दा बढी एजेन्टमार्फत पनि प्राप्त गर्न सकिने बैंकले जनाएको छ ।

यो सेवाबारे अन्य जानकारीका लागि मुक्तिनाथ रेमिट अस्ट्रेलियाको वेबसाइटमा हेर्न सकिने बैंकले जनाएको छ ।

यस्तै, कोरोनाको संक्रमणबाट सुरक्षित भई डिजिटल बैंकिङ कारोबारलाई प्रोत्साहन गर्न बैंकका ग्राहकले भिसा नेटवर्कअन्तर्गत जुनसुकै एटीएमबाट बिनाकुनै शुल्क रकम झिक्न सकिने व्यवस्था गरेको छ ।