त्रिपोली– लिबियाको राजधानी त्रिपोलीमा भीडन्त हुँदा ज्यान गुमाउनेको संख्या ५६ पुगेको छ । हाल राजधानी त्रिपोली कब्जा गर्ने सैनिक अभियान अन्तर्गत अघि बढिरहेको खलिफा हफ्तारको नेतृत्वमा रहेको लिबियाली सेना र अन्तर्राष्ट्रिय मान्यताप्राप्त सरकारप्रति वफादार सेनाबीच भीडन्त भएको बताइएको छ ।

भीडन्तमा अरु दर्जनौं घाइते भएको विश्व स्वास्थ्य संगठनले जनाएको छ । संयुक्त राष्ट्रसंघ अन्तर्गतको विश्व स्वास्थ्य संगठनका अनुसार त्रिपोली शहरमा मारिनेमा दुई डाक्टर र एकजना एम्बुलेन्सका चालक समेत रहेको जनाइएको छ ।

त्यसबाहेक मारिनेहरुमध्ये लडाकु र सर्वसाधारणको सङ्ख्याबारे भने स्पष्ट खुलाइएको छैन । हालै सार्वजनिक समाचारमा खलिफा हफ्तारको नेतृत्वमा रहेको लिबियाली सेना हाल त्रिपोलीको मध्य भागबाट केबल ११ किलोटिरको दुरीमा रहेको र त्रिपोली शहरतर्फ तीब्र आक्रमण गरिरहेको अन्तर्राष्ट्रिय सञ्चारमाध्यमले जनाएका छन् ।