दोहा – कोरोना महामारी लगायत विविध कारणले रोजगारी गुमाएका नेपाली श्रमिकहरुले पुन : कतारमा रोजगारी पाउने भएका छन् ।

कतारको प्रशासनिक विकास, श्रम तथा सामाजिक मामिला मन्त्रालयद्वारा कतारमा तत्काल बेरोजगार भइ कामको खोजीमा रहेका विशेष गरी अदक्ष र अर्धदक्ष श्रमिकहरुलाई रोजगारी उपलब्ध गराउने जनाएको छ ।

मन्त्रालयले एनसीसी कतारमार्फत नेपाली समुदायमा रहेका बेरोजगारी श्रमिकहरुको विवरण संकलनका लागि अनलाइन फारम जारी गरिएको र कामविहीन भएर बसेका नेपाली श्रमिकलाई सो फारम भर्न अनुरोध गरिएको एनआरएनए कतारका अध्यक्ष मोहमद मुक्तदा मुसलमानले जानकारी दिए ।

मन्त्रालयका अनुसार यो प्रक्रियामा अवैधानिक रुपमा बसेका श्रमिकहरुले पनि आवेदन दिएर रोजगारी प्राप्त गर्न सक्ने जनाएको छ ।

एनआरएनए कतारले कोरोना लगायत अन्य कारणले रोजगारी गुमेको तथा कामको खोजीमा रहेका नेपालीलाई कतारको प्रशासनिक विकास, श्रम तथा सामािजक मामिला मन्त्रालयमा सम्पर्क गर्न आग्रह गरेको अध्यक्ष मुसलमानले बताए ।

फारम भर्न यहाँ क्लिक गर्नुहोला