कैलाली- कैलालीको सेती प्रादेशिक अस्पतालमा उपचाररत कोरोना सङ्क्रमित महिलाको आज मृत्यु भएको छ ।
धनगढी उपमहानगरपालिका–५ की ५७ वर्षीया सङ्क्रमित महिलाको उपचारका क्रममा मृत्यु भएको प्रादेशिक अस्पतालका सूचना अधिकारी दिलीपकुमार श्रेष्ठले जानकारी दिए ।
कोरोना सङ्क्रमणपछि गम्भीर अवस्थामा पुगेकी महिलालाई अस्पतालको भेन्टिलेटरमा राखेर प्लाज्माथेरापी विधिबाट उपचार भइरहेकोमा उनको मृत्यु भएको श्रेष्ठले बताए ।
यही भदौ १७ गते कोरोना पुष्टि भई गम्भीर खालको लक्षण देखिएपछि उनलाई १९ गते अस्पतालमा भर्ना गरिएको थियो ।
प्रतिक्रिया