काठमाडौं– कृषि सामग्री कम्पनी लिमिटेडले सम्झौताअनुसार रासायनिक मल नल्याउने दुई ठेकेदार कम्पनीलाई कालोसूचीमा राख्न सिफारिस गरेको छ ।

लिमिटेडले सोमबार विज्ञप्ति जारी गर्दै शारदाप्रसाद अधिकारीको शैलुङ इन्टरप्राइजेज र हुमनाथ कोइरालाको हानिको मल्टिप्रपोज कम्पनीलाई कालोसूचीमा राख्न सिफारिस गरेको हो ।

लिमिटेडले सार्वजनिक खरिद अनुगमन कार्यालयलाई सार्वजनिक खरिद ऐनबमोजिम कालोसूचीमा राखी कारबाही गर्न सिफारिस गर्दै आवश्यक सबै कागजात पठाएको पनि जानकारी दिएको छ ।

५० हजार मेट्रिक टन मल ल्याउने सम्झौता गरे पनि यी दुई कम्पनीले मल नल्याएको भन्दै कारबाहीका लागि कृषि सामाग्री कम्पनी लिमिटेडले सिफारिस गरेको हो । यसअघि सम्झौताअनुसार मल ल्याउन नसकेको भन्दै लिमिटेडले यी दुई कम्पनीसँगको सम्झौता खारेज गरेको थियो ।

यस्तो छ विज्ञप्ति