काठमाडौं – प्रविधिको बढ्दो विकासका बीच गुगलले नयाँ फिचर सार्वजनिक गरेको छ । अब गुगलले थर्ड पार्टी एपविना नै कसले फोन गर्‍यो भनेर जानकारी दिने एप ल्याएको छ ।

‘भेरिफाइड कल्स’ नाम दिइएको गुगल फोन एपमा अब फोन गर्नुपूर्व कसले फोन गरेको हो भनेर देखाउनेछ ।

यसअघि ट्युन कलर नामक एपले पनि यस्तै सुविधा दिएको थियो । ट्युन कलर प्रयोगकर्ताले कसले फोन गर्‍यो भनेर पहिले नै जानकारी पाउने गर्थे । गुगलको सुविधामा चाहिँ किन फोन आएको हो भन्ने समेत थाहा पाउन सकिन्छ ।

एन्ड्रोइड मोबाइलमा हालै रिलिज गरिएको यो एप पहिले पिक्सेल मोबाइलमा मात्र डाउनलोड गर्न मिल्ने व्यवस्था गरिएको थियो ।

यो एपबाट फेक कलहरु नियन्त्रणमा आउने गुगलले विश्वास लिएको छ । विजनेस फोनमा फोन गर्नुको कारण समेत लेखिएको हुनेछ ।

हाललाई यो सुविधा अमेरिका, मेक्सिको, ब्राजिल र भारतमा मात्र दिइएको छ । यही वर्षभित्र विश्वभरका सबै मोबाइलमा यो सुविधा दिइने जनाइएको छ ।