हामीमध्ये धेरैले दैनिक जीवनमा केराउ तथा चना खाँदै आएका छौं । खाजामा होस् या तरकारीका रुपमा केराउ तथा चनाको प्रयोग हुने गर्छ ।

चना र केराउले हामीलाई फाइदा पनि गर्छ । यसमा भएको तत्वले हामीलाई स्वस्थ राख्न उत्तिकै फाइदा पुर्‍याउँछ ।

केराउ र चना खाँदाका ८ फाइदा छन् । ती फाइदाका बारेमा जानौं:

– चना तथा केराउमा फाइबर हुन्छ । जसले गर्दा यसको सेवन गर्दा तौल घटाउँछ । मोटोपनको समस्या छ भने चना र केराउ खाँदा फाइदा हुन्छ । यसले शाकाहारी भोजनमा पनि बल प्रदान गर्छ । जसकारण चना र केराउलाई डाइटमा समेत प्रयोग गरिन्छ ।

– चना तथा केराउ खाँदा शरीरमा शक्तिको मात्रा बढ्छ भने प्रतिरक्षात्मक क्षमता पनि विकास हुन्छ । त्यसैले यसलाई फाइदाजनक मानिन्छ ।

– त्यतिमात्र नभएर चना तथा केराउको प्रयोगले शरीरमा भएको चिनीको मात्रालाई सन्तुलनमा राख्ने काम गर्छ ।

– चना र केराउले महिलामा उत्पादन हुने विभिन्न प्रकारका हर्मोनलाई नियमित बनाउँछ । जसकारण महिलाको छातीको क्यान्सर हुने सम्भावना पनि घट्छ ।

– चना तथा केराउमा हुने फलाम तत्त्वको कारणले रक्तअल्पता हुने सम्भावना घटेर जान्छ ।

– कति व्यक्तिमा रक्तचापमा समस्या हुने गर्छ । केराउ र चना खाँदा उच्च रक्तचाप पनि केही हदसम्म कम हुन्छ । साथै यसले रक्तचापलाई पनि नियमित बनाउँछ ।

– यदि तपाईंमा खाना नपच्ने समस्या छ भने केराउ र चना उत्तिकै लाभदायक हुन्छ । यिनीहरूमा हुने फाइबरका कारण अपच हुने समस्या घट्छ ।

– त्यति मात्र होइन, चना तथा केराउको नियमित खाँदा मुटु पनि स्वस्थ रहन्छ । त्यस्तै चना तथा केराउको प्रयोगले हृदय सम्बन्धि जटिलता पनि हटाउँछ ।

-एजेन्सीको सहयोगमा