जेरुसलेम– इजरायलमा भएको निर्वाचनमा प्रधानमन्त्री बेन्जामिन नेतान्याहुको लिकुद पार्टी विजयी भएको छ ।

हालसम्म ९७ प्रतिशत मतगणना भइसक्दा नेतान्याहुको पार्टीले सरकार बनाउनका लागि सामान्य बहुमत नल्याए पनि सबैभन्दा ठूलो पार्टीको रुपमा अगाडि आएको इजरायली सञ्चारमाध्यमले जनाएका छन् ।

यसअघि १ सय २० सिटको सदन कनासेटमा लिकुद पार्टीको ३० सिट रहेकोमा अहिले भने ५ सिट बृद्धि भएर ३५ सिट पुगेको बताइएको छ ।

त्यस्तै अर्को मध्य–दक्षिणपन्थी ‘निलो र सेतो’ गठबन्धनले पनि लिकुद पार्टीजत्ति नै ३५ सिट जितेको छ । अब नेतान्याहुले ‘निलो र सेतो’ गठबन्धनसँग मिलेर सरकार बनाउने अन्तर्राष्ट्रिय सञ्चारमाध्यमले जनाएका छन् ।

यससँगै नेतान्याहुले कीर्तिमानी ५ कार्यकालका लागि सरकार चलाउने बताइएको छ ।

पछिल्लो निर्वाचनलाई अनियमितता र भ्रष्टाचार प्रकरणमा मुछिँदै आएका नेतान्याहुको दक्षिणपन्थी सरकारको लोकप्रियताको जनमत सङ्ग्रहका रुपमा लिइएको थियो । निर्वाचनमा आफ्नो पार्टी सबैभन्दा ठूलो पार्टीका रुपमा अगाडि आएपछि उनले आफ्ना मतदातालाई धन्यवाद दिएका छन् ।

चुनावको औपचारिक मतपरिणाम भने शुक्रबार मात्र सार्वजनिक गरिनेछ ।