चितवन – चितवनमा कोरोना संक्रमित एक महिलाको उपचारका क्रममा मृत्यु भएको छ ।
चितवन मेडिकल कलेजमा उपचाररत हेटौंडा उपमहानरगालिका वडा नम्बर ११ की ५२ वर्षीया महिलाको शुक्रवार दिउँसो मृत्यु भएको हो ।
ती महिलामा निमोनिया देखिएको थियो । निमोनियाले ग्रस्त ती महिलालाई भदौ १० गते अस्पताल भर्ना गरिएको थियो ।
उनमा भदौ ११ गते कोरोना संक्रमण पुष्टि भएको थियो ।
अस्पतालका कार्यकारी अधिकृत प्रताप देवकोटाका अनुसार ती महिलाको अवस्था गम्भीर भएपछि बिहीवार राति प्लाज्मा थेरापी विधिबाट उपचार थालिएको थियो ।
योसँगै चितवनमा कोरोनाका कारण ज्यान गुमाउनको संख्या २१ पुगेको छ । तीमध्ये ११ जना चितवनका रहेको र बाँकी अन्य जिल्लाका रहेको जनाइएको छ ।
प्रतिक्रिया