काठमाडौं- काठमाडौं उपत्यकामा कोरोना संक्रमितको संख्या ५ हजार नजिक पुगेको छ ।

शनिबार स्वास्थ्य तथा जनसंख्या मन्त्रालयले गरेको नियमित प्रेस बिफ्रिङमा थप १८६ जनामा कोरोना संक्रमण पुष्टि भएको हो । योसँगै काठमाडौँ उपत्यकामा मात्रै कोरोना संक्रमितको संख्या ४ हजार ९९७ पुगेको हो ।

मन्त्रालयका अनुसार पछिल्लो २४ घण्टामा काठमाडौंमा १५५, ललितपुरमा १९ र भक्तपुरमा १९ जना गरी जम्मा १८६ जना संक्रमित थपिएका छन् ।

योसँगै काठमाडौँमा कोरोना संक्रमितको संख्या ३ हजार ९६० पुगेको छ । यस्तै ललितपुरमा ६०६ र भक्तपुरमा कोरोना संक्रमितको संख्या ४३१ पुगेको छ ।

यसअघि शुक्रबार काठमाडौं उपत्यकामा ४१५ जनामा कोरोना भाइरसको संक्रमण पुष्टि भएको थियो । जसमा काठमाडौंका ३५०, ललितपुरका ११ र भक्तपुरका ५४ जना संक्रमित भएका थिए ।