एजेन्सी – बिरामी भएपछि जापानका प्रधानमन्त्री सिन्जो आबेले राजीनामा दिने भएका छन्।
जापानको सरकारी टेलिभिजन एनएचकेका अनुसार ६५ वर्षीय प्रधानमन्त्री आबेले पदावधि सकिनु एक वर्षअगावै राजीनामा दिन लागेका हुन् ।
उनले आज साँझ राष्ट्रका नाममा सम्बोधन गर्दै राजीनामा दिने तयारी गरेको बताइएको छ ।
पछिल्लो समय उनी लगातार दुई पटक अस्पताल गएपछि उनको स्वास्थ्यलाई लिएर विभिन्न अड्कलबाजी गरिएको छ।
यसअघि पनि आबेले सन् २००७ मा स्वास्थ्यका कारण प्रधानमन्त्री नियुक्त भएको वर्ष दिनमै राजीनामा दिएका थिए।
आबे लामो समयदेखि अल्सरेटिभ कोइलेइटिस रोगबाट पीडित छन्।
प्रतिक्रिया