काठमाडौं – कलाकार दिलिप रायमाझीको अभिनय रहेको म्युजिक भिडियो सार्वजनिक गरिएको छ । ‘नेपाली म हुन सकूँ’ बोलको गीत बिहीवार युट्युबमार्फत सार्वजनिक गरिएको हो ।
उक्त गीतमा गायक प्रमोद खरेलले स्वर दिएका छन् भने यमप्रसाद आचार्यले शब्द लेखेका छन् । यस्तै गीतमा संगीत भर्ने काम दीपकराज विश्वकर्माले गरेका छन् ।
गीतमा देशभक्तिको भाव प्रस्तुत गरिएको छ । भिडियोमा दिलिप रायमाझीले एक देशभक्त नागरिकको भूमिका निर्वाह गरेका छन् ।
भिडियोमा उत्सव दाहालको छायांकन, विकास दाहालको सम्पादन र प्रकाश धितालको निर्देशन रहेको छ ।
प्रतिक्रिया