काठमाडौं – अमेरिकामा एकै दिन ४३ हजारभन्दा बढीमा कोरोना भाइरसको संक्रमण पुष्टि भएको छ ।

तथ्याङ्क अद्यावधिक गरिरहेको साइट वर्ल्डोमिटर्सका अनुसार बिहीबार ४३ हजार ८२६ जनामा संक्रमण पुष्टि भएको छ ।योसँगै अमेरिकामा कोरोना संक्रमित संख्या ५९ लाख ९९ हजार ५५४ पुगेको छ।

संक्रमितमध्ये अहिलेसम्म ३२ लाख ९६ हजार २९५ जना संक्रमणमुक्त भएका छन् । उपचार गराइरहेका २५ लाख १८ हजार ८०० जनामध्ये १६ हजार ५२६ जनाको अवस्था गम्भीर रहेको वर्ल्डोमिटर्सले जनाएको छ ।

बिहीबार यो समाचार तयार पार्दासम्म अमेरिकामा कोरोना संक्रमणकै कारण ज्यान गुमाउनेको संख्या १ लाख ८३ हजार ६०७ पुगेको छ । पछिल्लो २४ घण्टामा थप १ हजार २४३ जनाको मृत्यु भएसँगै मृतक संख्या १ लाख ८३ हजार नाघेको हो ।