काठमाडौँ –   भारतको मध्य प्रदेशमा बनेको न्यून चापीय क्षेत्रको प्रभावले अहिले मुलुकका विभिन्न ५ प्रदेशमा वर्षा भइरहेको छ ।

जल तथा मौसम पूर्वानुमान महाशाखाका अनुसार अहिले देशका अधिकांश स्थानमा बदली भइ विभिन्न प्रदेश २, बागमती प्रदेश, गण्डकी प्रदेश, कर्णाली प्रदेश र सुदूरपश्चिम प्रदेशमा वर्षा भइरहेको छ ।

बंगालको खाडीबाट भित्रिएको जलवाष्पयुक्त हावाको समेत सामान्य प्रभाव रहेकाले आज दिउँसो केही स्थानमा मेघगर्जन, चट्याङसहित भारी वर्षाको पूर्वानुमा गरिएको छ ।

प्रदेश १, बागमती प्रदेश, गण्डकी प्रदेश र कर्णाली प्रदेशका एक दुई स्थानमा भारी वर्षा हुन सक्ने महाशाखाले जनाएको छ ।

राति पनि प्रदेश १, बागमती प्रदेश, गण्डकी प्रदेश  र सुदूरपश्चिम प्रदेशका एक दुई स्थानमा भारी वर्षाको सम्भावना रहेकाले सतर्क रहन महाशाखाले आह्वान गरेको छ ।