पर्सा- नारायणी कोभिड १९ अस्पताल वीरगञ्जमा उपचाररत २ कोरोना संक्रमितको मृत्यु भएको छ ।

अस्पतालले दिएको जानकारी अनुसार वीरगञ्ज महानगरपालिका वडा नम्बर २६ सुगौली विर्ता बस्ने ५८ वर्षका पुरुष र बहुदरामाइ नगरपालिका ४ डोर्केलाका ६१ वर्षीय पुरुषको ज्यान गएको हो ।

ट्राभल हिस्ट्री नहरेका सुगौली विर्ताका ५८ वर्षे पुरुषमा खोकी र स्वासप्रश्वास सम्बन्धी समस्या देखिएपछि अस्पताल ल्याइएको थियो उनको गत भदौ ४ गते गरिएको स्वास्थ्य परीक्षणमा कोरोना पोजेटिभ देखिएको थियो ।

कोरोना पोजेटिभ देखिएपछि आइसीयू र भेन्टिलेटरमा उपचार गराइरहेका ती पुरुषको शुक्रबार राति ८:५ बजे मृत्यु भएको थियो ।

त्यस्तै डोर्केलाका ६१ वर्षीय पुरुषको आज बिहान निधन भएको हो । भदौ ३ गते गरिएको स्वास्थ्य परीक्षणमा उनमा पनि कोरोना देखिएको थियो । भदौ ४ गतेदेखि आईसीयू र भेन्टिलेटरमा राखेर उपचार गराइरहेका उनको बिहान ७:१० बजे निधन भएको हो । उनमा पनि खोकी र स्वासप्रश्वास सम्बन्धी समस्या देखिएपछि अस्पताल ल्याइएको थियो ।