काठमाडौं- कोरोना भाइरस संक्रमितको संख्या बढेपछि काठमाडौं उपत्यकामा निषेध आदेश जारी गरेसँगै उपत्यका प्रवेश गर्ने नाकामा चेक जाँच कडा पारिएको छ ।

काठमाडौं प्रवेश गर्ने मुख्य नाका नागढुंगामा पनि सुरक्षा जाँच कडा पारिएको र मालबाहक सवारी साधन प्रवेशमा कडाइ गरिएको पाइएको छ ।

अत्यावश्यक बाहेकका सवारीलाई उपत्यका प्रवेशमा रोक लगाइएको छ । ती सवारीलाई आएको क्षेत्रतर्फनै पठाइएको छ । केही सवारीलाई नागढुंगा क्षेत्रमै राखिएको छ । खाद्यान्न, औषधी, तरकारी, स्वास्थ्य सामग्री बोकेर आएको सवारी साधनलाई मात्र प्रवेश दिइएको छ ।

काठमाडौंका लागि सामान लिएर आएका सवारी चालकले भने सरकारको अव्यवस्थाले आफूहरु समस्यामा परेको बताएका छन् । केही दिन अघि नै लोड गरेर काठमाडौंका लागि छुटेका सवारी नाकामा रोकिनु वा फिर्ता पठाउनु दुखद भएको उनीहरुको गुनासो छ ।

हेर्नुहोस् नागढुंगा नाकामा देखिएको दृश्य