एजेन्सी – कोरोना भाइरसको महामारीको प्रभाव न्यूजिल्याण्डको आमचुनावमा पनि परेको छ ।

कोरोना भाइरसका संक्रमित धमाधम बढ्न थालेपछि यही सेप्टेम्बर १९ हुने भनिएको न्यूजिल्याण्डको आमचुनाव चार सातापछि धकेलिएको अन्तर्राष्ट्रिय सञ्चार माध्यमहरूले जनाएका छन् ।

महामारी बढेपछि प्रधानमन्त्री ज्यासिन्डा आर्डर्नले आमचुनाव अब अक्टोबर १७ का लागि गर्ने प्रस्ताव गरिएको छ ।

कोरोना भाइरसका संक्रमति बढेपछि देखिएपछि न्यूजिल्याण्डको सबैभन्दा ठूलो शहर ओक्ल्याण्डमा गत आइतबारदेखि फेरि लकडाउन  गरिएको छ ।

वर्ल्डोमिटर्सका अनुसार न्यूजिल्याण्डमा कोरोना संक्रमितको संख्या १ हजार ६२२ पुगेको छ भने कोरोनाले २२ जनाको मृत्यु भएको छ । संक्रमितमध्ये १ हजार ५३१ जना संक्रमणमुक्त भएका छन् ।