मलेसियास्थित नेपाल राजदूतावासले नेपाली श्रमिकलाई लक्षित गरेर कन्सुलर सेवा शिविर सञ्चालन गर्न भएको छ ।

दूतावासले यसै हप्ता चैत ३० गतेदेखि ०७६ वैशाख २१ गतेसम्म कन्सुलर सेवा शिविर सञ्चालन गर्ने तयारी गरिरहेको जानकारी दिएको छ ।

दूतावासले मलेसियाको राजधानी क्वालालाम्पुरभन्दा बाहिरका शहरमा रहेका नेपाली कामदारहरुलाई सेवा दिन शिविरको आयोजना गर्न लागिएको जनाएको छ ।

राहदानी आवेदन संकलन, राहदानी जारी, यात्रा अनुमतिपत्र जारी, कागजात प्रमाणीकरण, श्रमिक सचेतना, श्रमिक गुनासो सुन्नका लागि शिविर सञ्चालन गरिएको दूतावासले जानकारी दिएको छ ।

शिविरमा कामदारले हाल भोगिरहेको समस्याका सुन्ने । कानुनी परामर्श दिने दूतावासले सूचना प्रकाशन गरी जानकारी गराएको छ ।

शिविर चैत ३० देखि असार २१ गतेसम्म

दूतावासले हाल जारी गरेको सूचना अनुसार चैत ३० गते क्लाङबाट शिविरको सुरुआत गरिने छ । त्यसपछि ०७६ वैशाख ७ गते क्लान्तानरतेराङगानुमा, १५ गते पहाङरक्यामरुन हाइल्याण्डमा, २२ गते बातुपाहतरजोहोरमा, २९ गते कोताकिनादालुरसाभामा शिविर आयोजना हुने छ ।

यस्तै, जेठ ५ गते इपो, १२ गते पेराकमा र जोहर वारु, जोहारमा, १८ गते अलो सेतार, केडामा, २६ गते पेनाङमा कार्यक्रम हुने छ । असार १ गते लङ्कावी, केडामा, ८ गते मिरि सारावाकमा, १५ गते मेलाकामा र २१ गते कुयान्तान, पाहाङमामा शिविर सञ्चालन गरिने दूतावासले जारी गरेको सूचनामा उल्लेख छ ।