काठमाडौं- बाँकेमा थप एक कोरोना संक्रमितको मृत्यु भएको छ ।

नेपालगन्ज मेडिकल कलेज शिक्षण अस्पताल कोहलपुरमा निमोनिया भएर भर्ना भएकी ७० वर्षीया महिलाको आइतबार दिउँसो मृत्यु भएको हो ।

“नेपालगञ्ज मेडिकल कलेज कोहलपुरमा एकजना ७० वर्षको महिला को मृत्यु भएको हो” सहायक प्रमुख जिल्ला अधिकारी दीर्घराज उपाध्याय ले खबरहबलाई बताए ।

कोहलपुर नगरपालिका-२ की ७० वर्षीया महिलाको आज दिउँसो मृत्यु भएको अस्पतालका कोरोना फोकल पर्सन डा. दिनेश श्रेष्ठले जानकारी दिए।

गत साउन २३ गते बिहान ७:४५ बजे अस्पताल पुगेकी ती महिलाको सोही दिन स्वाब संकलन गरिएको थियो। उनको कोरोना परीक्षणको रिपोर्ट पोजेटिभ आएको थियो ।

ती महिलामा निमोनियाकाका साथै रक्त सञ्चालनको समेत समस्या थियो।

यसअघि बाँकेको नरैनापुर गाउँपालिका ५ का २५ वर्षका युवा र बैजनाथ गाउँपालिका ६ की ४६ वर्षीया महिलाको कोरोनाबाट मृत्यु भइसकेको छ। योसँगै बाँकेमा कोरोनाले ज्यान गुमाउनेको संख्या तीन पुगेको छ ।

यसैबीच बाँके जिल्लामा आइतबार ४८ जनामा कोरोना पुष्टि भएको छ।