काठमाडौं- स्वास्थ्य तथा जनसंख्या मन्त्रालयले नेपालमा सक्रिय कोरोना संक्रमितको संख्या ६ हजार ५४४ रहेको जनाएको छ ।

आइतबारको नियमित लाइभ अपडेटमा मन्त्रालयलका प्रवक्ता डा. जागेश्वर गौतमले सो जानकारी दिएका हुन् । उनका अनुसार हालसम्म क्वारेन्टाइनमा रहेकाहरुको संख्या ११ हजार ३८ छ ।

पछिल्लो २४ घण्टामा थप ४० जना कोरोना संक्रमणमुक्त भएका छन् । योसँगै नेपालमा कोरोना संक्रमण भएर निको हुनेको संख्या हालसम्म १६ हजार ३५३ पुगेको छ ।

उनीहरू देशका विभिन्न स्थानका अस्पतालबाट संक्रमणमुक्त भएको स्वास्थ्य तथा जनसंख्या मन्त्रालयले जानकारी दिएको हो।

कहाँ कति संक्रमित ?

प्रदेश नं. १ – ५११

प्रदेश नं. २ – ३०७५

बाग्मती प्रदेश- ११३२

गण्डकी प्रदेश- २३७

प्रदेश नं. ५ – ४४६

कर्णाली प्रदेश – १६९

सुदूरपश्चिम प्रदेश- ९७४