काठमाडौं– सेती प्रादेशिक अस्पतालमा गरिएको परीक्षणमा थप १७ जनामा कोरोना संक्रमण पुष्टि भएको छ ।

अस्पतालले एक विज्ञप्ति जारी गर्दै थप १७ जनामा कोरोना संक्रमण पुष्टि भएको जानकारी दिएको हो । नयाँ थपिएका संक्रमित मध्ये ९ जना महिला र ८ जना पुरुष छन् ।

संक्रमित १६ जना कैलालीका र एक जना कञ्चनपुरका रहेको अस्पतालले जनाएको छ ।

सेती प्रादेशिक अस्पतालमा पछिल्लो २४ घण्टामा ४४९ जनाको कोरोना परीक्षण गरिएको थियो ।

यसैबीच गण्डकी प्रदेशमा थप १२ जनामा कोरोना पुष्टि भएको छ । स्वास्थ्य निर्देशनालय गण्डकी प्रदेशले एक विज्ञप्ति मार्फत थप १२ जनामा कोरोना संक्रमण पुष्टि भएको जनाकारी दिएको हो ।

नयाँ थपिएका संक्रमित मध्ये कास्कीका १० जना, नवलपरासीका एकजना र स्याङ्जाका एकजनामा कोरोना पुष्टि भएको छ । गण्डकी प्रदेशले बिहान १० बजेर ३० मिनेट र दिउँसो १२ बजेर ४५ मिनेटमा दुईपटक अपडेट गर्दै १२ जनामा कोरोना पुष्टि भएको जानकारी दिएको हो ।