लिबियामा शान्ति प्रक्रियाका लागि आह्वान गर्न संयुक्त राष्ट्रसंघका महासचिव एन्टोनियो गुटेरेज शुक्रबार लिबिया पुगेका छन् ।

लिबिया भ्रमणका क्रममा महासचिव गुटेरेजले लिबियाका वरिष्ठ राजनीतिक नेता तथा सरकाी अधिकारीसँग भेटवार्ता गरेका छन् । भेटवार्ताका क्रममा उनले त्यहाँको शान्ति प्रक्रिया अगाडी बढाउने बिषयमा छलफल गरेको अन्तर्राष्ट्रिय सञ्चारमाध्यमले जनाएका छन् ।

उनले आफूलाई लिबियाको भविष्यबारे गहिरो चासो रहेको र त्यहाँ जारी हिंसा अन्त्य हुनेमा विश्वस्त रहेको प्रतिक्रिया दिएका छन् ।

लिबियाको पूर्वमा रहेको बेन्घाजी शहर जानुअघि पत्रकारहरुसँगको कुराकानीमा उनले शान्ति स्थापनाको प्रयासमा सफलताका लागि सवैलाई जिम्मेबार र लचकदार हुन समेत आह्वान गरेका थिए ।

लिबियाका सवै संस्था तथा निकायहरु एकजुट भएमा समस्या सहजै समाधान गर्न सम्भव भएको गुटरेजको भनाई छ ।

महासचिव गुटरेजले लिबियाको राजनीतिक संकट समाधानका लागि राष्ट्रसंघको तर्फबाट सवै सहयोग गर्न तयार रहेको समेत आश्वासन दिएका छन् ।