एजेन्सी- प्रजातान्त्रिक गणतन्त्र कंगोको दक्षिणी किवु प्रान्तको साँगे शहरमा एक सैनिकले अन्धाधुन्ध गोली चलाउँदा १४ सर्वसाधारण मारिएका छन् ।
कङ्गोली प्रहरीका अनुसार ती सैनिक सिपाहीले स्थानीय एक व्यक्तिको फोन चोर्न खोजेको र उक्त समय स्थानीय केही व्यक्ति अघि आई प्रतिकार गरेपछि झडप भएको थियो ।
आफ्नो सुरक्षाका लागि ती सिपाहीले साथमा रहेको पेस्तोल निकाली अन्धाधुन्ध गोली चलाएको बताइएको छ । घटनामा उक्त वस्तीका १४ स्थानीयहरूको मृत्यु भएको स्थानीय समाचारहरूले उल्लेख गरेका छन् ।
घटनामा अन्य कैयौँ व्यक्ति घाइते भएका छन् ।
प्रहरीले मृतकलाई पोष्टमोर्टमका लागि र घाइते सबैलाई उपचारका लागि उद्धार गरी अस्पताल पठाएको छ ।
प्रतिक्रिया