पहिरो खसेपछि पृथ्वी राजमार्ग एकतर्फी सञ्चालन

१५ श्रावण २०७७, बिहिबार

पढ्न लाग्ने समय : < 1 मिनेट

फाइल फोटो

चितवन – पृथ्वीराजमार्ग अन्तर्गत कुरिन्टारमा पहिरो खस्दा सवारी साधान एकतर्फी मात्रै सञ्चालन भएको छ ।

जिल्ला प्रहरी कार्यालय चितवनका अनुसार ईच्छाकामना गाउँपालिका–४ कुरिन्टारमा आज बिहान ८:५५ बजे पहिरो खस्दा सडक अवरुद्ध भएको हो ।

निरन्तरको वर्षाले पहिरो झर्दा सडक दुई तर्फी आवागमन बन्द भएको जिल्ला प्रहरी कार्यालय चितवनका प्रवक्ता सूर्यबहादुर थापाले जानकारी दिए ।

उनका अनुसार वर्षा भइरहेकाले पहिरो पन्छाउने काम शुरु गर्न सकिएको छैन । पहिरो पन्छ्याउन केही समय लाग्ने जनाइएको छ ।

प्रकाशित मिति : १५ श्रावण २०७७, बिहिबार ११ : ५६ बजे

प्रतिक्रिया