काठमाडौं – अकिंत पौडेलले निर्देशन गरेको फिल्म ‘सङ अफ क्लाउड’ ले पुरस्कार जितेको छ । इटलीमा आयोजना गरिएको ‘एसोलो आर्ट फिल्म फेस्टिभल’ मा फिल्मले पुरस्कार हात पारेको हो ।

आर्ट फिल्म विधातर्फ फिल्मले ५ सय युरोको पुरस्कार जितेको हो । मान्छेको मृत्युपछिको जीवनको कल्पना गरी फिल्म तयार पारिएको छ ।

फिल्म ‘सङ अफ क्लाउड’ को यसअघि जनवरीमा सनडान्स फिल्म फेस्टिभलमा प्रिमियर गरिएको थियो । फिल्मले अन्य विभिन्न अन्तर्राष्ट्रिय फिल्म फेस्टिभलमा पनि सहभागिता जनाएको छ ।

यसअघि फिल्लमे वर्ल्ड फेस्ट हस्टन इन्टरनेशनल फिल्म फेस्टिभलमा पनि अवार्ड जितेको थियो ।

काठमाडौंको अस्कर कलेजमा अध्ययन गरेका अकिंतले २० वटाभन्दा बढी फिल्ममा छायांकारका रुपमा काम गरेका छन् । ‘सङ अफ क्लाउड’ उनको निर्देशकीय डेब्यु फिल्म हो ।

फिल्ममा स्क्रिप्ट र छायांकन पनि निर्देशक पौडेलकै रहेको छ ।