काठमाडौं – गायक विनय कार्कीले नयाँ गीत बजारमा ल्याएका छन् । उनले ‘मायामा फसेँ कि म’ बोलको गीत युट्युबमार्फत सार्वजनिक गरेका हुन् ।
केही महिनाअघि प्रसारण भएको टेलिभिजन रियालटी शो ‘दि भ्वाइस अफ नेपाल सिजन –२’ मा गाएको ‘भुमो’ गीतले विनयलाई चर्चा दिलाएको थियो ।
यतिबेला सार्वजनिक गरिएको गीतमा विनयसँगै चर्चित गायिका मेलिना राईको पनि स्वर सुन्न सकिन्छ । यस्तै सविन मल्लले तयार गरेका गीतका शब्दमा गायक कार्कीले नै संगीत भरेका हुन् ।
गीतको भिडियोलाई पवन सुस्लिङले छायांकन र सम्पादन गरेका हुन् । भिडियोमा मोडल अलिशा शर्मा र गायक विनयको अभिनय देख्न सकिन्छ ।
त्यसैगरी भिडियोमा आशिष राईको कोरियोग्राफी तथा निर्देशन देख्न सकिन्छ ।
हेर्नुहोस् भिडियोः
प्रतिक्रिया