काठमाडौँ- शहीद स्मारक ए डिभिजन लिगको फ्रेण्ड्स क्लबले आफ्नै खेल मैदान बनाउने भएको छ ।

फ्रेण्ड्सले चाँगुनारायण नगरपालिकाको मानेडाँडामा खेल मैदान बनाउन लागेको हो।

चागुनारायण नगरपालिकाको वडा नं. ४ मा रहेको मानेडाँडा क्षेत्रको भिरालो तथा खोचयुक्त सार्वजनिक जग्गा व्यवस्थित गरी फ्रेण्ड्स क्लबले आफ्नै खेल मैदान बनाउन लागेको हो।

ए डिभिजन लिग क्लब फ्रेण्ड्सले उक्त जग्गामा फुटबल मैदान निर्माणका लागि स्थानीयले सहमति जनाएको भन्दै वडा नम्बर ४ ले नगरपालिलाई सिफारिस गरेको छ।

वडाका अधिकांश स्थानीयहरूको भेलाबाट मन्जुरी भए क्लबलाई अनुमानित २५ रोपनी जग्गा २५ वर्षका लागि निःशुल्क प्रयोग गर्न दिइनेछ ।

मैदानका लागि भनिएको जग्गाको शनिबार एन्फा र क्लबका पदाधिकारीले निरीक्षण गरेका छन्।