काठमाडौं- लगातारको बर्षाका कारण भोटेकोशी नदीमा बाढीको खतरा रहेको भन्दै नदी किनाराका बासिन्दालाई सचेत रहन जिल्ला प्रशासनले अनुरोध गरेको छ ।

सोमबार एक सूचना जारी गर्दै चीनको खासा क्षेत्रमा रहेको केरुङ च्छो पोखरी फुट्न सक्ने खतरा बढेको भन्दै प्रशासनले भोटेकोशीमा बाढीको जोखिम बढेको जनाएको हो ।

ठूलो पानी परिरहेकाले पोखरी फुट्न सक्ने जानकारी चिनियाँ अधिकारीले दिएको सिन्धुपाल्चोकका प्रमुख जिल्ला अधिकारी उमेशकुमार ढकालले जानकारी दिए ।

उक्त जानरी प्राप्त भएसँगै जिल्ला विपद व्यवस्थापन समितिले नदी किनाराका बासिन्दालाई सचेतना अपनाउन अनुरोध गरेका छ ।

पोखरी फुटेमा भोटेकोशीमा ठूलो बाढी आएर भोटेकोशी गाउँपालिका, बाह्रबीसे नगरपालिकासहित नदी तटीय क्षेत्रमा ठूलो क्षति हुन सक्ने खतरा बढेको प्रमुख जिल्ला अधिकारी ढकालले जनाए ।

प्रशासनले जारी गरेको सूचना