काठमाडौं- स्वास्थ्य तथा जनसंख्या मन्त्रालयका अनुसार पछिल्लो २४ घण्टाको तथ्यांक अनुसार  नेपालका ७ जिल्लामा कोरोना भाइरसको संक्रमण शुन्य रहेको छ ।

केही दिन अघिसम्म मुलुकका सबै जिल्लामा कोरोना भाइरसको संक्रमण फैलिए पनि हालसम्म नेपालका ७ जिल्ला कोरोना भाइरस मुक्त भएको मन्त्रालयले जानकारी दिएको हो ।

मन्त्रालयको पछिल्लो विवरणअनुसार धनकुटा, भोजपुर, पाँचथर, रसुवा, मनाङ, मुस्ताङ र हुम्ला कोरोना भाइरस संक्रमणमुक्त भएका हुन् । हाल यी जिल्लामा एक जना पनि सक्रिय सङ्क्रमित छैनन्।

यी सात वटै जिल्लामामा रहेका सबै संक्रमित निको भएर घर फर्किएको मन्त्रालयले जनाएको छ।

मन्त्रालयका अनुसार रौतहट, कैलाली र बाजुरामा भने पाँच सयभन्दा धेरै सक्रिय सङ्क्रमित रहेका छन् ।