काठमाडौं- रियलमीले नेपाली बजारमा आफ्नो नयाँ स्मार्टफोन रियलमी ६ सार्वजनिक गरेको छ । रियलमी सिक्स ६.५ इन्च एलसीडी स्क्रीन डिस्प्लेको साथमा उपलब्ध भएको छ ।

फुल एचडी प्लस रिसोलुसन भएको रियलमी सिक्समा मिडिया टेकको हेलियो जी ९० टी चिपसेट प्रयोग गरिएको छ । यसमा अक्टा कोरको सीपीयु प्रयोग गरिएको छ भने एआरएम जी ७६ जीपीयु रहेको छ ।

यो फोन ८ जीबी र्‍याम र १२८ जीबी इन्टरनल स्टोरेजको साथमा नेपालमा उपलब्ध भएको छ । एन्ड्रोइड टेन अपरेटिङ सिस्टम आधारित रहेको यसमा रियलमी युआई राखिएको छ ।

यसमा क्वाड क्यामेरा सेटअप रहेको छ । जसमा प्राइमरी क्यामेरा ६४ मेगापिक्सेलको रहेको छ । भने १६ मेगापिक्सेलको सेल्फी क्यामेरा रहेको छ ।

फिङ्गरप्रिन्टको सुविधा रहेको यस फोनमा ३.५ एमएम अडियो ज्याक, टाइप सी पोर्ट, बुलुटुथ लगायत सुविधा छन् । यसमा ४३०० एमएएचको ब्याट्री उपलब्ध रहेको छ । नेपाली बजारमा रियलमी सिक्सको मूल्य ३२ हजार ९ सय ९० रुपैयाँ तोकिएको छ ।