काठमाडौं – राष्ट्रिय खेलकुद परिषद् (राखेप) को सदस्यसचिवका लागि निवर्तमान सदस्यसचिव रमेश कुमार सिलवालसहित १२ जनाले नाम दर्ता गराएका छन् ।

सदस्यसचिवका लागि आवेदन दिने १२ मध्ये तीन जना महिला छन् भने ८ जना पुरुष उम्मेदवारले नाम दर्ता गराएका छन् ।

बिहीबार दिउँसोसम्म सदस्य सचिवका लागि आवेदन दिन पाउने समय सीमा तोकिएको छ । युवा तथा खेलकुद मन्त्रालयका सचिव रामप्रसाद थपलियाको संयोजगत्वको सदस्यसचिव सिफारिस समितिले आवेदक मध्येबाट एक महिलासहित ३ जनाको नाम मन्त्रालयमा सिफारिस गर्नेछ ।

गएको शुक्रबार सदस्यसचिव नियुक्त कार्यविधि बनाउँदै मन्त्रालयले दरखास्त आव्हान गरेको थियो । यसरी खुल्ला प्रतिस्पर्धाबाट सदस्य सचिव नियुक्त हुन लागेको यो पहिलो पटक हो ।

यसअघि मन्त्रालयको सिफारिसमा सरकारले सदस्यसचिव तोक्ने गरेको थियो ।

अहिलेसम्म सदस्य सचिवका लागि आवेदन दिने आवेदकहरु
रोशन महर्जन
अनिल अधिकारी
हर्क बहादुर राई
मिना श्रेष्ठ
शिवराज भट्ट
लिल बहादुर थापा
रविराज कणिकार
अच्युत लामिछाने
निलम बज्राजार्च
रमेश कुमार सिलवाल
मेघराज पौडेल
अन्जु श्रेष्ठ