काठमाडौं – गायक तथा संगीतकार शिव परियारको नयाँ गीत बजारमा आएको छ । परियारको स्वर रहेको ‘आँसुको अर्थ – भाग २’ युट्युबमार्फत सार्वजनिक गरिएको हो ।
यसअघि सार्वजनिक गरिएको गीत ‘आँसुको अर्थ’ लाई दर्शकले रुचाएका थिए । सोही कारण यसको अर्को भाग पनि बजारमा ल्याइएको हो । सञ्चारकर्मी रवि अधिकारीले लेखेका यो गीतमा उदयराज पौडेलको संगीत संयोजन रहेको छ ।
यस्तै गीतको भिडियोमा अभिनेता सन्नी सिंह र ज्योत्सना योगीलाई देख्न सकिन्छ । यसअघिको गीतमा स्वस्तिमा खड्का र आकाश श्रेष्ठको अभिनय थियो ।
निकेश खड्काले निर्देशन गरेको यो भिडियोलाई धमला विकासले सम्पादन गरेका हुन् भने बुद्ध थापाले छायांकन गरेका हुन् ।
प्रतिक्रिया