कञ्चनपुर – कञ्चनपुरको बेलौरी नगरपालिका–२ बैजुडाँडास्थित नेपाल-भारतको २०७ नम्बरको सीमास्तम्भ ढलेको छ ।
‘सीमास्तम्भ मङ्गलबार ढलेको अवस्थामा फेला परेपछि सम्बन्धित निकायमा खबर गरेका छौँ’, इलाका प्रहरी कार्यालय बेलौरीका प्रहरी निरीक्षक रणबहादुर चन्दले भने, ‘जीर्ण अवस्थमा रहेको सीमास्तम्भको मर्मतसम्भार नहुँदा ढलेको छ ।’
बेलौरी नगरपालिका, जिल्ला प्रहरी कार्यालय र जिल्ला प्रशासन कार्यालयमा सीमास्तम्भ ढलेको अवस्थमा फेला परेकोबारे जानकारी गराइएको उनले बताए ।
सीमास्तम्भ मर्मत हुँदै गर्दा कारोना भाइरसका कारण बन्दाबन्दी भएपछि रोकिएको थियो ।
प्रतिक्रिया