काठमाडौं– कर्णाली प्रदेशमा थप १४ जनामा कोरोना संक्रमण पुष्टि भएको छ । योसँगै कुल संक्रमितको संख्या १ हजार ५३९ पुगेको छ ।

सामाजिक विकास मन्त्रालय, कर्णाली प्रदेशको स्वास्थ्य सेवा माहाशाखाले एक विज्ञप्ति जारी गर्दै थप १४ जनामा कोरोना संक्रमित पुष्टि भएको जानकारी दिएको हो ।

नयाँ थपिएका संक्रमितहरु सल्यानका २ जना र सर्खुेतका १२ जना छन् । प्रदेश अस्पताल सुर्खेत तथा पशुपन्छी रोग अन्वेषण केन्द्र सुर्खेतमा गरिएको परीक्षणमा सुर्खुेतका ८ जना र सल्यानका २ जना, कर्णाली स्वास्थ्य विज्ञान प्रतिष्ठान जुम्लामा गरिएको परीक्षणमा सुर्खेतका ३ जना र दैलेख अस्पतालमा गरिएको परीक्षणमा सुर्खेतका एकजना गरी १४ जना संक्रमित थपिएका हुन् ।

उनीहरु मध्ये ७ जना महिला र ७ जना पुरुष रहेका छन् ।

यस्तै आज मात्र २८ जना विभिन्न अस्पताल र आइसोलेसन केन्द्रबाट डिस्चार्ज भएका छन् । कर्णाली प्रदेशमा हालसम्म १ हजार २७५ जना डिस्चार्ज भइसकेका छन् भने उपचारत कोरोना संक्रमितको संख्या २४९ रहेको छ ।