काठमाडौ‌ं– नेपाली राष्ट्रिय महिला फुटबल टोली घरेलु टोली म्यानमारसँग ओलम्पिक छनोटमा पराजित भएको छ । बुधबार सम्पन्न खेलमा नेपाल म्यानमारसँग ३—१ गोल अन्तरले पराजित भएको हो ।

नेपालविरुद्ध घरेलु टोलीलाई २४ औं मिनेटमा गोल गर्दै म्यानमारकी यी यी ओले अग्रता दिलाइन् । त्यस्तै, नेपालकी कप्तान निरु थापाले पहिलो हाफको अन्तिम समयमा गोल गर्दै म्यानमारविरुद्ध पहिलो हाफमा १—१ गोल बराबरी गरेकी थिएन् ।

दोस्रो हाफमा नेपाली टोलीले लय समात्न नसक्दा २ गोल खान पुग्यो । नेपालविरुद्ध म्यानमारकी विङ थिइङी तुनले दुई गोल गरिन् । उनले खेलको ४८ र अन्तिम समयमा गोल गर्दै घरेलु मैदानमा ३—१ को जीत दिलाइन् ।

पहिलो हाफमा पनि नेपालले गोल गर्ने अवसर सदुपयोग गर्न सकेन । समुह ए को पहिलो खेलमा पराजित नेपालले दोस्रो खेल शनिबार भारतसँग खेल्नेछ ।