न्यूयाेर्क – क्यानेडियन कलाकार तथा रंगकर्मी निक कोर्डेरोको कोरोना भाइरस संक्रमणका कारण निधन भएको छ । ३ महिनाअघि अस्पताल भर्ना गरिएका निकको आइतबार निधन भएको अन्तर्राष्ट्रिय सञ्चार माध्यमले जनाएका छन् ।

४१ वर्षीय निकमा कोरोनाको संक्रमण देखिएपछि अस्पताल भर्ना गरिएको थियो । उनको लस एन्जल्सको एक अस्पतालमा निधन भएको जनाइएको छ ।

कोर्डेरोलाई आकस्मिक कक्षमा राखेर उपचार गराइएको थियो । उनको निधनपछि सेलिब्रेटी र फ्यानले श्रद्धाञ्जली अर्पण गरेका छन् ।

कोर्डेरो सन् २०१४ मा टोनी अवार्डमा बेस्ट फिचर्ड एक्टर विधामा नोमिनेसनमा परेका थिए । त्यस्तै उनी ड्रामा डेस्क अवार्डमा पनि नोमिनेसनमा परेका थिए ।

उनले अ स्टान्ड अप गाइ, मोब टाउन, इन्साइड गेम लगायतका फिल्ममा समेत अभिनय गरेका छन् ।