रूसमा ६ लाख ४१ हजारभन्दा बढीलाई कोरोना भाइरसको संक्रमण

१६ असार २०७७, मंगलबार

पढ्न लाग्ने समय : < 1 मिनेट

फाइल फोटो

काठमाडौं – ६ महिनादेखि फैलिएको कोरोना भाइरसको संक्रमणले रूसमा ६ लाख ४१ हजारभन्दा बढी मानिस संक्रमित भएका छन् ।

मंगलबार बिहान यो समाचार तयार पार्दासम्म कोरोना भाइरसको संक्रमणबाट मृत्यु हुनेको ९ हजार नाघेको छ ।

पछिल्लो २४ घण्टामा ९३ जनाको मृत्यु भएपछि ज्यान गुमाउनेको संख्या ९ हजार १६६ पुगेको हो ।

एकै दिन ६ हजार ७१९ जनामा संक्रमण देखिएपछि संक्रमित हुनेको संख्या ६ लाख ४१ हजार १५६ पुगेको छ ।

२ लाख २८ हजार ५६० जनाको उपचार भइरहेको छ भने ४ लाख ३ हजार ४३० जना संक्रमणमुक्त भएको वर्ल्डोमिटर्सले जनाएको छ।

प्रकाशित मिति : १६ असार २०७७, मंगलबार ६ : १५ बजे

प्रतिक्रिया